凌晨紅Van舞龍返大埔　嚇到全車乘客嗌有落：小巴司機揸唔到直線

「那夜凌晨，我坐上了旺角開往大埔的紅Van……」高登經典小說聽就聽得多，但現實中坐得上這些「亡命小巴」，的確要有一定膽量。有網民在facebook「Tai Po大埔」群組發文，指昨日（22日）凌晨12時，乘搭一架旺角至大埔的紅色小巴，但司機的駕駛態度嚇得全車一齊叫「有落」，寧願中途下車也不用生命來冒險。
該名乘客接受《香港01》訪問表示，司機駛至獅子山隧道口開始精神恍惚，說話迷迷糊糊，一直貼着雙白線行駛，「被人呠咗幾次先有反應」，當時車上所有人都很驚慌，「我嗰下好淆，好想按低佢我揸！」

網民Aningo在「Tai Po 大埔」中貼出照片，顯示一名穿橙色上衣的小巴司機，站在空無一人的紅Van旁。Aningo指當時坐上這架由旺角到大埔的小巴，但司機「揸唔到正（直）線」，又不斷踩入雙白線，即使駛入獅子山隧道亦有同樣情況，「之後全車都嗌有落」，最後大家都在大埔舊路上山起點落車。

有相信是乘坐同一班小巴的乘客上載當時情況，車速約66公里，只見不少乘客都揚言勸喻司機小心駕駛，甚至叫他慢慢駛到路邊稍作休息，「挨埋路邊啦師傅，冇人怪你」、「成架車呀，16條命」、「你調一調位，畀你抖一抖」，但司機並無回應，車上的人唯有抓緊扶手。

Aningo接受訪問時詳述驚險10分鐘的經歷，指上車時亦不覺司機有異樣，直到上獅子山隧道的斜路，司機一路行快線但卻「行唔到直線，一路都踩住條雙白線」，其後被其他司機響按提醒，但不斷「入返直線又走返出雙白線」，直至入到隧道仍然是貼着雙白線行駛。

他指司機到隧道收費亭繳費時，「睇佢拎錢拎住個錢，佢都睇唔到自己嗰個係咪5蚊」，其後有乘客問司機是否不舒服，但他沒有理會，有人再提出在沙田停一停休息，他就模模糊糊地說「唔得嘅，唔得嘅，呢個去大埔」。

駛至馬場山路前，司機大喊「停唔到車嘅」，當時乘客都非常驚慌，「嗰下我喺前面，好想幫佢推入空波，拉手制，但我驚會造成傷亡所以冇做」，最後在巴士站全車人大嗌巴士站有落，終於結束這次驚險之旅。

有網民看完帖文幻想當時全車叫「有落」的情況，稱「好壯觀」，但亦有大埔居民說曾乘坐同一司機開的小巴都心有餘悸，指司機曾在山路貼着雙白線行駛，甚至衝燈；亦有網民稱有司機轉彎前才急急剎停收油，「直路就快到趕住去死」，質疑是否同一個司機；另有人稱「下次見到佢，寧願等多架好過」。