九龍城廣場辦九龍城寨展　A4紙印相貼展板　網民嘲簡陋︰小學壁報

電影《九龍城寨之圍城》票房大賣，引來港人了解九龍城寨歷史，九龍城廣場日前就在網上宣布舉辦「九龍城寨展覽」，讓「我哋一齊來懷勉一番」。圖中可見，現場設有多塊白色展板，貼有用白紙列印的照片，而且用紙張列印關於九龍寨城公園的文字介紹和照片。
網民看後批評「簡陋」，揶揄「見到啲相都令我懷緬小學嗰陣整壁報板，好似都係咁上下」、「畀啲誠意，喺商場裏面起返個城寨出嚟」、「直接行過去公園睇好過」。

九龍城廣場在facebook專頁發文，向九龍城街坊表示「而家流行懷念歷史，九龍城廣場B1中庭有九龍城寨展覽」，歡迎大家一起懷勉，同時標籤「九龍城寨」等字眼，以及上載有關展覽情況照片，可見多塊白色展板貼有用白紙列印的照片，展示九龍城寨多年來變化，同時白紙黑字列印關於九龍寨城公園的文字介紹。

帖文引來網民熱議，大部份都批評太「簡陋」，揶揄「咁似我讀小學開放日做嗰啲展覽嘅」、「地盤維修啲圍板，都靚過呢啲展板」、「低成本而做到城中熱話？高招！」、「簡約風，你識乜嘢？」。

（綜合）