港男買台灣機票後才知未開自由行　指航空公司退款不退稅上網狂鬧

有港男趁HK Express推出$98機票優惠時，搶購雙人台灣來回機票，然而購買後才發現台灣未開放自由行。其後他得悉能退款卻不能退稅，繼而將事件經歷放上網想圍爐取暖，卻意外引起網民熱議！

港男買台灣機票後才知未開自由行　指航空公司退款不退稅上網狂鬧

有港男於LIHKG討論區內，以「垃圾HK Express」發文，分享自己早前購買機票的經歷，指早前透過HK Express推出的$99機票優惠（實為$98機票優惠），購買了雙人台灣來回機票，然而購買後才發現台灣未開放自由行。他致電HK Express希望退款，卻獲回覆指可以退款但無法退稅，繼而將事件放上網大鬧HK Express處理方法「垃圾」，又表示：「等於你去外國網購但係件貨入唔到香港」、「人地係有飛機位，係我無本事飛」，相當火滾！

港男上網打算圍爐取暖，網民留言卻似乎未盡他意，紛紛留言表示：「其實人地出個平機票都可以俾其他國籍嘅人去買，而家係得香港+中國嘅人無得自由行。你自己買機票前都應該了解下台灣未開放俾香港人啦……」、「怪就怪自己戇X啦」、「人地肯退錢仲想點？自己連入境簽證都冇，學咩人買機票」、「買嗰一刻已經知未開自由行㗎啦」。

網民們指責港男事主時，事主亦展開回應與網民駁火，指「onX在信錯HK Express」，網民隨即展開反擊：「你OnX在唔知自己onX」、「OnX在到而家都唔知自己onX」。有網民給予意見：「呢D機票同賭佢幾時開關冇分別，建議樓主再賭多次，可能下鋪嬴。」

有網民亦提及：「無得退稅係犯法，直接告得......稅係機場收唔係航空公司收，你冇去 check in 機場就唔會收你。機場無收，航空公司就要退返，唔退即係詐騙」。

由於事主描述事件經過略為含糊，因此未能清晰得知實際退款明細。記者同時翻查HK Express退款條款，HK Express於網站清晰列明退款詳情：HK Express的淨票價及燃油附加費不設退款，而香港國際機場的航空旅客離境稅、旅客保安費和機場建設費，則可申請退款，處理時間由申請當日起計，大約需6至8星期。