港媽迪士尼遇港人插隊斥無品　網民齊數同樣遭遇反被勸：包容下啦

【旅遊熱話｜迪士尼樂園】隨著迪士尼樂園重開，樂園內再次變得人頭湧湧。有港媽發文，指自己在迪士尼遊玩時遇上缺德港人，批評遊樂設施插隊情況猖獗，引起網民熱議。

港媽迪士尼遇港人插隊斥無品　網民齊數同樣遭遇反被勸：包容下啦

好食玩飛Instagram官方帳號開咗啦！請Follow我哋：https://bit.ly/38tlS4l

最近有網民於Facebook群組「迪士尼 買賣 交換 分享」發文，批評缺德港人在遊樂設施插隊情況猖獗，指自己在迪士尼樂園最討厭遇上「嗰啲一人排隊，全家族嚟插隊嘅家庭」，直斥缺德港人的行為，指：「一插（隊）起碼插六、七個人！」

事主的貼文引起網民熱議，不少網民留言表示曾遇上同樣遭遇，指在迪士尼樂園遊樂設施插隊的情況「真係見唔少」。有網民指：「上次在『小小世界』，前面有對父子排緊隊，突然有幾個人『攝』入嚟，之後又再『攝』多2個人，好乞人憎！」、「我試過一個妹妹代排，3個家庭插入嚟！」

有網民稱自己遇上插隊情況時，會直接出聲制止：「我會直接鬧佢哋：『要玩就唔該排隊！』、『係咪要畀你插哂成村人入嚟？』」亦有網民指曾向樂園職員反映，但職員卻不以為然。

不過，亦有部份網民指有部份會帶同年幼孩子或長者同行，插隊情況是情有可原，有港媽表示：「小朋友、長者一齊企成粒鐘，真係好辛苦！」又指自己會主動排隊，期間讓丈夫帶子女到處走動，稱：「我唔覺得有問題，包容下啦！」

有網民則反駁指該網民應該在排隊訓練子女耐心，稱：「我個人會教小朋友要玩就要排隊，嫌辛苦就唔好排隊玩，可以玩第二樣。」

其實迪士尼樂園在官方樂園規則列明，在排隊時「同行的親友必須一起排隊，後來的親友不可插隊加入已在排隊區等候中的親友。」

如果大家去迪士尼樂園遊玩時遇上大量人群排隊的情況，其實可以選擇購買「迪士尼尊享卡」，就可以免排隊無限玩遊樂設施！👇🏻詳情可按以下連結👇🏻