迪士尼樂園小小世界再添恐怖傳說 網民指右側通道通往這個地方！

【小小世界】迪士尼樂園小小世界曾經傳過好多恐怖傳說，例如話洋娃娃們夜晚會自己移動，或者會莫名其妙對住遊客微笑，想不到今次再有多個恐怖傳說，指從來未見過小船通過右側通道，原來是通往這個地方！

迪士尼樂園小小世界再添恐怖傳說 網民指右側通道通往這個地方！

小小世界作為香港迪士尼樂園其中一個熱門玩樂設施，作為室內玩樂設施，入面吹著超強勁冷氣，實在是炎夏遊玩、全身出汗時的絕佳「避暑設施」。雖然話冷氣好強勁，但或許會感到涼風陣陣，其實並非因為冷氣開得夠大？

小小世界其實曾經傳出過好多恐怖傳說，包括「小朋友吊頸鬼」、「午夜人偶派對」等傳聞，另外甚至傳聞有前員工力證入面好猛鬼。而今次就有網民在Facebook群組「香港突發事故報料區及討論區」中提出疑問，詢問「有冇人知其實迪士尼小小世界右邊條路軌係通去邊？」惹來不少爭議。

有網民就話：「傳說，當樂園熄咗燈嘅時候，呢個世界嘅公仔會附予生命，這個位置會引導啲公仔進入屬於自己嘅『世界』！」，並前往「大大世界」或者「明日世界」。究竟這單純是食字笑話，還是真有其事呢？

相信網民們好確信公仔們擁有生命，有網民擔心小小世界裏的公仔們會感染病毒，估計：「呢條路係去疫苗中心，方便小小世界既人去打針，你知冇打針可能入唔到迪士尼啦，變相冇工開失業」，亦有人話諗太多，應該是：「茶水部放break。」

亦有網民估其實公仔們打兩份工：「應該係通去海洋公園」、「好似話係海底隧道，出口係海洋劇場」，不過亦有網民好簡單估計，其實只是通往維修部，唔需要太過多慮。大家又認為哪個才是真正答案呢？