網民列香港低存在感地區 西灣河慘過透明 某地近旅遊熱點卻無人知

【地區大戰】香港有18區、近100個港鐵車站，有如旺角、尖沙咀般存在感極高的地區，亦有一些地區淪為背景、慘過透明，甚至鄰近鬧市卻被指無人知道！

網民列香港存在感低地區 西灣河慘過透明 一地區鄰近鬧市卻無人知

事源有居住於西灣河的網民，於LIHKG討論區以「［call馬] 點解冇人識西灣河喺邊度」為題，指身邊朋友都不知道西灣河的地理位置：「每次啱啱識新朋友，同佢講我住西灣河，然後佢個樣就會唔知係邊喎！」讓他憤怒指責：「我住西灣河我都去過天水圍濕地公園，我都會去下上水，你哋班人唔識西灣河喺邊好打極有限！話晒都係港島地鐵站其中一站！」

有網民留言認同西灣河地區是存在感最低的港鐵站之一，同時列舉大窩口作為另一個存在感低的地區，樓主感嘆：「有次有條X街問我，係咪即係杏花邨隔離。X你，杏花邨乜都冇，你都知有杏花邨，你當西灣河係咩呀？！」

不過有網民笑指出：「我一次都冇係西灣河落過車，北角有新光戲院，太古有太古城，柴灣有表演睇，西灣河有咩地標？」

無論樓主如何爭扎，西灣河似乎已經獲得了網民們的「低存在感」認證。不過大窩口的地存在感看來還有些爭議。有網民話「荃灣線應該葵興低啲？一係同葵芳撈亂，一係就當咗做『葵涌站』」。

西灣河、大窩口、葵興三個地方榜上有名，另外秀茂平、古洞、香港仔都被網民笑低存在感，甚至連與鬧市及熱門旅遊區——深水埗區只有一街至隔的石硤尾，都被網民質疑「存在感都好低」：「石硤尾年年都有人關心佢地喎，關心幾時取消石硤尾站」、「取消咗石硤尾站，咁啲窮人系邊庶上車？」不過區區都有特色，其實細心發掘，還是能夠尋找到這些地區的獨有風貌，大家又是否認同網民們的見解呢？