勿亂買手信！港人遊泰買捕夢網後頻發噩夢　夢中不斷出現陌生男子

去旅行總想買幾件手信當作紀念品，不過要切記手信不可隨便買。最近有港人於Facebook分享自己遊泰經歷，稱自己購買了一個捕夢網後頻發噩夢，每次發夢都見到一個陌生男對自己做出過分行為，相當驚嚇！

勿亂買手信！港人遊泰買捕夢網後頻發噩夢　夢中不斷出現陌生男子

聽人講得多話泰國好邪門，不知道是否有關係呢？有港人向Facebook專頁「巴打絲打11鬼故台」投稿，稱早年前往泰國旅遊時，在酒店附近購入一個頗合眼緣的白色捕夢網。

港人稱：「聽講捕夢網可以阻隔噩夢，所以我買咗翻屋企諗住睇下會唔會有啲用。」但由於回港後一直未受噩夢困擾，因而一直未有掛上捕夢網，直到最近搬屋後頓時記起，才將塵封已久的捕夢網掛在床邊，當作裝飾使用。

未料在掛上捕夢網之後，未有夢見好事情，卻頻頻發噩夢，每次發夢都夢見一名陌生男人。他聲稱「我係現實生活中並唔識呢個人，但係無論個夢嘅內容係乜，我都可以見到佢企係個夢嘅角落。」他更表示最近噩夢問題越見惡劣，「嗰個男人唔再係企喺角落，佢可能會參與呢個夢，又或者突然彈出嚟嚇我。」不斷彈出嚇人，行為相當過分。

港人在貼文中表示猜疑：「我而家唔敢再掛個捕夢網，但究竟係捕夢網嘅問題，定係我放太耐冇掛起佢？定係泰國真係咁邪……」引起網民關注。

有網民表示曾聽聞「掛完補夢網仲衰過唔掛」，有網民亦表示有類似經歷，稱「我之前去菲律賓都買咗個捕夢網返嚟，之後連續發咗起碼成個星期噩夢」，並建議港人快手「掉咗佢唔好再掛」。

有網民則指捕夢網的確有效阻隔噩夢，但要謹記定期更換，又透露「好多時啲人會拎返出嚟賣」，變相將噩夢帶給下一位擁有者，籲大家購入捕夢網時要留意清楚。

亦有網民認為問題可能不在捕夢網上，有機會是港人新居有「污糟嘢」，但無論如何，寧可信其有，不可信其無，去旅行或購買「能量物品」時，還是小心為妙。

據了解，捕夢網來源自北美洲的原住民部落風俗，奧吉布瓦人相信捕夢網擁有「捕捉好夢、阻擋噩夢」的能力，後再美國部份地區廣為流傳，是祈求平安、帶來好運的象徵。