夏天湯水食譜｜勝瓜香茜豆腐魚湯清熱生津護脾胃 1招最留芫荽營養

立夏過了，已開始進入炎熱的夏季，溫度高達攝氏30度，稍在街上流連也會汗流浹背，是時候要清熱消暑了。中醫推介可飲勝瓜香茜豆腐魚湯，滋陰補血，生津解毒。
攝影：鄒家鳳

夏天湯水宜清淡　消暑解毒

夏天最常出入冷氣間，又多吃生冷食物，以為這樣清涼消暑？其實只會損傷脾胃。註冊中醫師鄧蕙盈認為這時應多吃時令蔬果，而相比老火湯，更宜飲清淡的湯水，如勝瓜香茜豆腐魚湯。勝瓜和豆腐均屬性涼，有助清熱排毒，經常捱夜、吃煎炸油膩食物最啱，但需加入薑片減寒性。由於勝瓜水分豐富，煲煮後會出水，故不用加太多水。

魚湯奶白　煎魚、滾水是關鍵

魚可選魚尾，同具健脾滋陰功效，亦方便處理，煲前必須煎香兩面，湯會更鮮甜，否則煲湯時有血水滲出會令湯水變腥。之後撞入滾水，把魚肉的蛋白質和脂肪撞散，湯才會變得奶白，若是凍水，蛋白質和脂肪便不易分解，難以煲出奶白魚湯。

芫荽味辛味濃，非人人喜愛，但溫中健胃，有效除寒邪助消化，寒性體質也適宜。只需清洗乾淨，只去啡色根鬚，盡量保留最富營養的根部勿浪費。

【煲魚湯貼士】大廚教煲奶白鮮甜魚湯6招　原來一直做錯了！

按圖看勝瓜香茜豆腐魚湯材料及功效：

勝瓜（絲瓜）：味甘、性涼，入肝、胃經，清熱解暑、排毒通便、去風化痰、潤肌美容
豆腐：味甘、性涼，入脾胃和大腸經，益氣寬中，生津潤燥，清熱解毒
魚：味甘，性溫。入肝、脾、腎經。去虛損，除風濕，強筋骨，止痔血
芫荽：味辛，性溫。入肺、脾經，具發汗透疹，消食下氣，清熱，利尿的功效.
生薑：味辛，性溫、入肺、胃、脾經，溫中止嘔、去寒痰，發汗散寒

勝瓜香茜豆腐魚湯食譜

材料：
勝瓜1條
豆腐2塊
魚尾1條
莞茜適量
生薑1塊
水1.5公升
幼鹽少許

做法：
1 材料洗淨，勝瓜、豆腐切件；芫荽去掉啡色根部，備用。
2 魚尾洗淨抹乾，燒熱油鍋，放入薑、魚尾，以中火煎香兩面。
3 轉大火倒入熱水，或移至湯鍋倒入熱水，煲5-10分鐘。
4 轉中小火，加入其餘材料，煲20分鐘，下鹽調味即成。

不失敗貼士：
~魚要抹乾，煎香再煲才會鮮甜沒魚腥味。必須以熱水撞入煲湯，魚湯才會奶白。
~加生薑可減勝瓜寒涼。
~芫荽的根部最富營養，洗淨一起煲別浪費。