【大埔天鑽開售】區內居屋客黃太入市：唔係買嚟炒　樓價跌就由佢

中海外（0688）旗下大埔天鑽今日首輪推售486伙，該項目以低市價開盤，首張價單涉324伙，折實平均呎價12,800元。

黃太透露，已買入最細單位自住，居住大埔同區居屋，認為該盤價錢合理，「唔開呢個價，都唔會買」。該輪入場的1房單位，實用面積379平方呎，折實售價438.8萬元。

發展商稱已沽出67伙

面對樓價向下調整，她稱「唔驚跌，跌就由佢，唔係買黎炒」。今個月有多個新盤開售，她指該盤「地點好、空氣好、交通方便」，步行10分鐘可到達港鐵站，故無考慮其他新盤。

截至上午10時37分，市場消息指，該輪暫沽出67伙。