林雅詩收狂徒不雅照 對方露面露全相：覺得佢好勇

林雅詩今日（19/12）現身西九龍中心出席《貓箱設計比賽頒獎典禮》。林雅詩半年前帶同兒子移居英國展開新生活，不過她早前在社交平台大吐苦水說搵工難，應徵超過30份工都沒有回音，連洗碗工都想做但無得做。她又自爆收到性騷擾信息，對方傳來裸露下體不雅照，令她感到很困擾。

林雅詩接受《香港01》訪問時表示：「呢位香港男士喺Facebook度傳短訊畀我，話想約我，但同時佢又傳咗一啲有佢個樣，加佢嘅下體照畀我，而且有啲相佢係有動作。我覺得好嘔心，覺得係好唔尊重。我已經冇理佢，但佢仍然繼續咁做，最後我封鎖咗佢，但佢又用第二個假身分，去再傳嗰啲不雅照畀我。佢呢種行為都有成個月，個問題都至今都解決唔到，唯有唔去睇。（以前有冇收過同類嘅照片？）以前係有收過，但就冇咁誇張，呢次係見埋佢自己個樣，我就覺得佢好勇。（驚唔驚佢找你晦氣？）好驚喎，而家講完好驚。（你驚唔驚佢而家喺度？你自己要注意人生安全）唔會啩，我記得佢係帶眼鏡的。」