金手指｜李靖筠與兩大影帝梁朝偉劉德華交手 被對方嚇親忘記對白
撰文：吳子生
出版：更新：
李靖筠（Gladys）今日（19/12）現身尖沙咀出席著名品牌活動。提到能同兩大影帝梁朝偉、劉德華合作拍電影《金手指》，Gladys感到興奮莫名：「我能夠同兩大影帝拍戲，我係受寵若驚，我係從來未試過緊張到，連只得一句對白，我竟然會唔記得咗，連佢喺套戲入面個角色個姓，我都忘記咗，淨係知佢本身姓梁。（係咪畀兩位男神電親？）絕對有呀，因為佢哋嘅氣場係好犀利，而嗰日我都係第一次見真人，咁所以嗰日係有少少被佢哋懾親，係被佢哋震懾到嘅，我覺得香港好難得有咁大嘅製作，而電影業可以再慢慢重新蓬勃起來，所以好希望大家支持港產片。」