徐文浩被爆車廂同性感女親暱　周嘉洛：好多人對我哋好有期望

周嘉洛今日（21/8）現身葵涌出席無綫熱播劇集《寵愛Pet Pet》宣傳活動。對於《愛回家》演員徐文浩被爆片指在的士車廂中與吊帶衫熱褲女飛擒大攬親暱互動，醜態盡現慘變「安心2.0」，周嘉洛接受《香港01》訪問時表示：「其實我冇留意相關報道，但聽你咁講就有啲震驚，但就要必須了解返單事件嘅前文後理。（作為藝人是否需要時刻警惕個人行為？）至於嗰件事，我就唔評論。而我哋作為藝人行為上我諗都要嘅，始終呢方面都會有壓力，因為會有好多人都會對我哋藝人好有期望，咁呢樣嘢就自己選擇，睇吓自己配唔配合，咁其實都冇啱定錯。（你會唔會喺車箱情不自禁親熱？）我冇呢方面嘅經歷。（你飲唔飲酒？）我都飲嘅，飲少少啦。（有冇醉過？）有醉過，但就冇同人醉喺的士度，通常都係自己一個醉。」