【主人我返嚟喇】沙律收留被棄貴婦狗：買狗仔送禮好白痴！

香港地想找個安樂窩很難，想找個可以養寵物的蝸居更難！沙律張沛樂有隻6歲大的貴婦狗叫Baby，Baby原來曾被棄養，多得沙律拯救才有得到這個安樂窩。

沙律近日轉新形象將一把長髮剪掉，採訪當日她仍未剪短髮，她一早便來到相約地點，第一件事是帶Baby剪毛，原來她會定期帶Baby美容，但因接了幾個廣告需要她在長髮時拍攝，所以無瑕照顧Baby，唯有趁今天帶埋Baby剪毛及沖涼。

Baby修剪雜毛後更加可愛，在公園草地上跑來跑去又跳上沙律身上。問到她如何養到Baby，沙律於是說出Baby被棄養的故事：「我有個女仔朋友，佢男朋友買咗呢隻狗畀佢當做禮物，但係女仔屋企係唔俾養狗，屋苑嗰邊出咗封信俾佢，如果唔趕走隻狗就要搬走，於是佢想辦法送隻狗畀人，而我又鍾意玩具貴婦狗，咁我就先斬後奏，冇話畀屋企人聽就要咗佢，總之我要救呢隻狗。」

沙律住的屋苑容許養狗，但父母卻不喜歡，她打算抱着Baby回家再游說他們，好彩過程十分順利，她一拿着小狗對媽媽說：「你睇佢幾得意！」媽媽便接受了Baby，Baby便成為了家中一份子。

雖然沙侓很高興能得到Baby，但對於上手主人的棄養行為感到氣憤：「佢男朋友真係好白痴囉！點解要買一隻寵物嚟做禮物，仲要人哋屋企係唔養得狗嘅！」她又對香港的住屋問題很不滿：「香港好多地方唔養得狗，我明白有啲人唔鍾意鄰居養狗，但係香港人需要有屋企，狗都需要有個家，如果多啲屋苑可以養狗，啲人亦會踴躍啲去照顧啲狗，唔會咁多流浪狗。」

她現時跟男友林耀聲感情穩定，也已考慮過未來住屋問題，沙律說將來搬新屋的話或會選村屋方便養狗，她說：「環境夠大，同埋唔會阻住其他人，狗狗又會開心啲！」屋企大啲就可以救多啲狗，好有愛心呀！