我們的畢業禮｜演員遲到辣㷫馬浚偉被鬧 施匡翹直言好驚：佢好惡
撰文：吳子生
出版：更新：
由馬浚偉監製的港台電視劇《我們的畢業禮》今日（6/2）於西貢戶外訓練營舉行宣傳造勢活動。馬浚偉率領一眾演員包括湯寶如、程可為、嚴淑明、施匡翹、胡渭康等人會見傳媒分享合作感受。馬浚偉受訪時透露剛與一班飾演學生的演員「開年」，指他們遲到沒時間觀念，令他大動肝火遭當眾訓斥。
馬浚偉表示：「頭先同班學生講咗，一陣10點半要集合準備見傳媒，我等咗10分鐘，佢哋竟然仲未現身，你話係咪要鬧先。不過佢哋可能仲未習慣。而我拍戲做監製嘅目的，都係想透過自己嘅經驗，話俾佢哋知，做呢行應該要點。（你以前都經歷唔少！）我哋都係咁樣大，係要尊重成個劇組，亦要做番演員應有嘅本分。」
施匡翹接著說：「其實有時見佢鬧人，我係有啲驚，因為佢好惡。但有時佢鬧人嘅出發點係好啱，完全係針對嗰件事，而唔係對人不對事，大家係睇得出佢係好上心為件事好，咁所以對我嚟講，我又唔會有唔好嘅感受。」