喬寶寶返港工作接唔停　老婆吩咐跑唔夠數要返去湊孫：要努力先得

喬寶寶今日（4/2）現身黃埔出席新城電台節目訪問。喬寶寶闊別香港已有3年之久，農曆新年前特意從英格蘭返港過節兼工作扮演財神：「其實都好開心有咁多畀我做，不過始終賺埋都係俾屋企，而我就好少話會獎勵自己，多數都係獎勵老婆仔女，而家仲要獎勵埋孫仔孫女。（有冇掛住香港先？）都掛住㗎。始終香港係我出生地，朋友就香港多，相反英格蘭親戚就多個朋友。（覺得香港幸福還是英格蘭？）兩邊唔同幸福囉，嗰邊係家庭樂，呢邊就娛樂囉，樂趣上有少少唔同。」

此外，喬寶寶透露原定按排在下月6日離港，但因應工作需要多逗留2個月：「今次返嚟真係接多咗好多工作，變咗要做晒手頭上嘅嘢先。老婆仲話我，如果月尾最基本條數交唔到，就叫我返去，屋企有兩個孫等我返去湊咁話，變咗如果我想繼續留喺香港嘅話，我就要努力跑數先得，哈哈！」