郭富城世界巡迴演唱會疑延期 盛傳方媛預產期11月？
撰文：溫菁莉
出版：更新：
上星期（18日）正式升呢做人夫的郭富城，今日就被周刊爆出當晚的結婚行程表，據知當城城下午1時迎娶新娘，並在晚上9時於擔任證婚人的城城媽咪與方媛爸爸見證下簽字結婚，期間城城媽咪仲叫新抱方媛快啲幫她生個孫。其實婚禮當晚大會發出的結婚相，見着住中式裙褂的Moka腹部已微微隆起「孕味濃」，傳出一擊即中「陀仔」兼預產期是11月，原本今年舉行世界巡迴演唱會的城城知道後，更將演唱會計畫全面延期到明年，為嘅當然係迎接年底出世的BB。
而日前城城出席活動時，亦曾被傳媒問到今次結婚是否雙喜臨門？城城當時表示，「雙喜臨門就肯定㗎喇，畀啲時間我啦，適當時候就會同大家分享。」疑似係怕懷孕未夠3個月唔講得。另外今日亦傳出其實BB嘅預產期係9月底，究竟BB係年底定9月底出生，看來只能等城城親自宣布。