郭富城認「雙喜臨門」開枝散葉　提方媛甜笑：我年紀大但仲有活力

天王郭富城自大前日在半島酒店擺酒結婚之後一直久未露面，傳媒朋友近日在城城家附近守候，希望捕捉一對新人的幸福畫面，人就等不到，只等到城城為老婆貼心訂購的鮮花。

今日城城出席活動首次公開露面，滿臉春風的他風騷現身，還在台上走來走去擺Pose，似乎心情不錯。原來今次城城並非閃婚，而是「早有預謀」，早早在聖誕節已經訂婚，但因為媽媽想低調，加上工作關係，所以都未有鋪張。有傳城城在半島酒店只設十席，未有宴請台灣導演寬姐，令寬姐生氣放話道：「下次結婚記得請我！」，城城叫大家毋須太認真，別把這件事過份放大，他說：「大家知佢鍾意開玩笑，我知佢係咩人，唔會介意，佢係我一個好敬重嘅人，佢透過小美祝福我，已經夠喇。」
 

有傳今次結婚係雙喜臨門，城城亦坦白承認：「雙喜臨門就肯定架喇，畀啲時間我啦，適當時候就會同大家分享。」他感嘆自己年紀不小，覺得是時候成家，他說：「我希望媽媽睇到我結婚，我睇到媽媽係開心感動，我覺得呢樣係我比佢更加感動，媽媽可以喺有生之年都可以抱到孫，作為一個仔咁多年都希望喺適當時候做適當嘅事，我依家係做咗成家立室，下一步一定係開枝散葉。」

而提起老婆方媛城城即刻一臉甜蜜，他直言私人事不便多提，但希望老婆在香港多認識新朋友，多學點廣東話，而她就會向老婆多多取經學普通話，為工作做她準備。他又透露之後忙著去拍電影、拍廣告，未必有很多時間留在香港。