飛虎3 | 吳卓羲又被指做衝動警察？ 爆陳豪被極速「賜死」原因
撰文：朱奕錦
出版：更新：
由邵氏同內地合拍的劇集《飛虎之壯志英雄》於16日開播，吳卓羲今日（18日）出席活動時，表示自己也有追看：「我都唔知咩途徑睇，都係搵咗啲高層畀咗個account我睇咋，主角原嚟都要畀錢睇。」
劇中Ron同黃宗澤（Bosco）再度合作，分別帶領飛虎隊A、B Team，又是一對好兄弟兼好排擋，但在第4集陳豪飾演的飛虎隊總指揮下線後，Ron卻怪責Bosco沒有及時射擊恐怖分子，認為這是他的錯，導致不少網友指Ron又做衝動警察，對這類角色有些「審美疲勞」。對此，Ron馬上否認道：「我冇衝動啊！」不過他亦對這段劇情作出解釋：「之後大家就會睇得到點解我會咁樣，因為我仲有個哥哥嘅，啲嘢發生係好相似，所以勾起咗我以前一啲嘢，咁之後陸陸續續都會講返係點解會咁，喺更衣室鬧Bosco，因為有好多嘢喺我未做飛虎隊之前，我阿哥都係飛虎隊，咁所以發生咗一啲好震撼嘅事，我先至會咁樣。」
至於第4集陳豪被恐怖分子無情炸死的劇情，Ron透露是因為其檔期不夠，所以才會安排他下線，之後的劇情其實都會圍繞陳豪展開。
點擊下圖睇飛虎3劇照：
+8