十優港姐又有新緋聞男友?　麥明詩：見面握手㗎！點會係呀！

麥明詩再被傳有新歡，事關有傳媒就影到她近日在淺水灣與男性友人「密會」，走入餐廳一傾就傾咗兩個鐘，似乎十分投契。據傳媒了解，該男友人名叫張存華(Emil)，現職體育公關，亦有在樂視兼職評述籃球賽事。Emil外形高大健碩，又經常做運動，生活離不開體育，鮮有異性合照。莫非與林作分手後，麥明詩的口味也隨之轉變？

麥明詩經電話回覆記者表示：「點會係（一齊）呀，你都見到啦，見面握手㗎。」意指與對方還是非常客氣，並不是傳媒所指的密會。麥明詩透露認識張存華時，對方任職體育品牌公關，見面因為：「佢都係做marketing pr 工作，睇下有冇合作嘅可能。」問到有無發展可能，麥明詩都肯定地說沒有，仲話被見到經常與異性見面，其實係：「我都成日同女仔朋友出街，只係記者唔影。」