【魯芬皮肌炎病逝】項明生約唔成魯芬去旅行：佢問我好返去邊到玩

旅遊達人項明生（James）商台團拜活動，新一年他將會為電台主持旅遊節目《全世界嚮導》，訪問嘉賓包括熟悉日本的杜如風、曾坐西伯利亞鐵路由北京去莫斯科的黃翠如及走遍伊朗、古巴、北韓等共產國家的洪永城。

James亦傷心的提到今晨離開的好友魯芬BB，James直言之前還和魯芬BB Whatsapp話康復後一齊去旅行：「但最後都冇去過，所以真係要及時行樂，講咗好耐都去唔到。」他憶述魯芬BB是一個很開心的人：「佢出活動時會揸住拐杖嚟，但一上台就會擲走拐杖，出台會企得好直，好型好大聲，好有精神見大家，真係好專業。」

James表示與魯芬BB的相識是源於曾志偉搞的一場齋宴，笑言第一次見對方差點想轉位，但之後開始魯芬BB就經常找他做慈善騷。問到早前可有到醫院探望對方？他直言魯芬BB由去年年中開始病：「佢話唔使探佢，我問候佢佢都話冇事架喇，問我好返去邊到玩，希望大家記住佢笑容。」