政府推800億元保就業基金　Party Room老闆陳潔玲：叫做好過冇！

受新冠肺炎疫情影響，本港各行業的生意都大受打撃。而行政長官林鄭月娥就宣布政府推出800億元保就業基金，向合資格僱主推出6個月補貼。目前經營兩間Party Room的陳潔玲（Christy）對於上述措施講道：「叫做好過冇！」

Christy自從在2017年宣布離巢後，就專注於Party Room生意，原本生意不俗。她接受《香港01》訪問時，就指受疫情影響，目前的收入是零：「目前都係要響應返政府暫停營業。（係咪蝕好多？）都係要租金同人工，大慨六位數。（會唔會打算結業？）暫時都唔會，但考慮到疫情同埋客觀經濟因素，暫時都唔會繼續經營呢個生意，擺住喺度先，唯有轉做其他生意。」一向有生意頭腦的Christy目前就代理一款日本消毒噴霧，另謀出路。