【多圖】陳潔玲公開超Deep V泳衣相　考慮出寫真：要有啱嘅時機

有「翻版陳妍希」之前的陳潔玲（Christy）近來忙於自己開設的Party Room生意，甚少出現幕前。不過早前她接受《香港01》訪問時就曾表示她一直十分希望重返幕前演出，她說：「所有角色只要係有挑戰性，合乎劇情需要，自己覺得舒服，都唔會抗拒。其實除咗性感仲有好多角色都想嘗試，例如一啲邊緣啲嘅角色，精神病之類，又或者扮丑角我都OK。」

經過半年，雖然就尚未有角色接洽，不過就有人搵陳潔玲影寫真，今日（19/10）她也在IG上分享了自己的性感照片，一小時之內就已經獲得了2千多個讚好，實在非常厲害！帖文更標記了著名KOL兼攝影師司徒夾帶的IG，難道就快會有寫真集面世？陳潔玲接受《香港01》訪問時，就表示這輯照片只屬個人性質：「都只係司徒夾帶搵我影下相。（會否出寫真？）要夾好多樣嘢，因為而家一來個市道、環境同氣氛，所以要喺一個啱嘅時機先會做呢樣嘢。」問到她經營的Party Room生意時，她就表示尚算不錯：「雖然遊行、示威同封地鐵站有影響，不過而家都OK嘅。」