【港姐2019】佳麗古佩玲遠征日本成箱Mask旁身：每晚都敷！

麥明詩與馮盈盈及一眾《2019香港小姐競選》候選佳麗，今日（2/8）一同現身將軍澳出席記者會。期間，麥明詩即場大讚3號候選佳麗古佩玲（Kelly）表現夠淡定兼唱歌好聽，男司儀陸浩明打蛇隨棍上要求Kelly即時清唱，Kelly便唱出悅耳歌聲唱出Beyond首本名曲「喜歡你」，令全場拍掌歡呼。

Kelly表示：「其實聽到麥明詩讚我，嗰一刻真係好驚訝又好開心，而頭先主持要我唱嘅時候都有啲緊張，點解會出呢首歌，係因為我細個嘅時候好鍾意聽，而呢首歌當刻又可以表達到我當時嘅感受，咁所以揀咗呢首歌唱。」問早前去日本拍攝辛唔辛苦？Kelly答謂：「都有少少唔夠瞓，都會喺車上爭取時間休息，加上太陽勁曬，每次外出拍攝，都一定搽防曬乳液，搽晒全身，為咗今次旅程，帶咗成箱Mask去，每晚我都會敷，因為自己啲皮膚比較乾。」