【港姐2019】大熱黃嘉雯惹隆胸疑雲　自稱100%純天然：媽媽基因好

無綫（TVB）《2019香港小姐競選》一眾候選佳麗今日（2/8）在將軍澳拉票，提醒觀眾可以由8月4日晚起，透過big big fun投選心目中最喜愛的三位佳麗。11號佳麗黃嘉雯（Carmaney）便指自己會向親朋戚友拉票：「其實記者朋友都好幫得手，因為佢哋都會幫我哋宣傳，讓更加多人去認識我。」

提到近日有網上消息指Carmaney的身材有後天加工，質疑她曾經隆胸，她說：「絕對100％純天然，因為我細個嘅時候，我好鍾意食豆腐，同埋好鍾意飲奶，又得到媽咪嘅良好基因，先有咁健康嘅身形，遲啲會有泳衣環節，到時大家就會見得到，其實有鋼線嘅泳衣都會有咁嘅效果，大家不妨返去試下。」