【黃金有罪】親身上陣拍跳樓戲　洪永城：曾幻想過做動作演員

洪永城（Tony）今日（18/3）出席在香港國際影視展舉行的「TVB Anywhere劍指東南亞發佈會」。Tony表示雖然公司全面進軍東南亞市場，但自己對於越南話及泰文就一竅不通：「我希望公司將來拓展埋北韓，因為韓文我就唔錯嘅，話唔定我去北韓登台或拍連續劇會有幫助，順便我想探我好朋友阿金仔，因為我好掛住佢。」

Tony早前拍攝無綫劇集《黃金有罪》跳樓戲時，親身上陣從二樓高簷蓬頂攬住陳瀅跳下，可謂有驚無險：「其實我哋嘅武指都有做足安全措施，另一令我擔心嘅係怕整親我哋嘅宅男女神陳瀅，跳嗰一刻要保護住佢個樣呀，自己摑花塊面都唔緊要，所以攬到佢實一實。（有冇諗過做動作演員？）以前我細細個時候，好鍾意模仿李小龍喺屋企度打功夫，我仲記得細個時攞過啲小食腸仔當雙截棍咁打功夫，曾經有幻想過以動作發展娛樂圈，哈哈。」