收翠如雙封利市 洪永城：諗過儲錢俾你買姑婆屋
撰文：李文偉
出版：更新：
蕭正楠與黃翠如在過去一年的《萬千星輝頒獎典禮》上，宣布已低調成為夫妻，二人共度首個農曆新年，已名正言順做蕭生蕭太的二人當然要高調大派利市，當然少不了翠如最佳拍檔洪永城（Tony）嗰份！
Tony亦有去蕭生蕭太屋企拜年，仲影合照放到Instagram並寫了一堆感言，直認這封利市等了很多年：「識你咁耐，今次唔講衰嘢喇。等咗你咁多年終於收到你嘅利是，果陣仲以為一世都冇咁嘅機會，我仲曾經諗過儲錢俾你買姑婆屋，不過而家又識煎蘿蔔糕，咁難煎嘅嘢都俾你煎到，真係好難得、又識洗碗，又有一件燒腩肉照顧你，咁我就放心啦。恭喜你找到人生旅程入面找到一個好好嘅旅伴。」
雖然話明唔講衰嘢，但竟然話要諗過幫翠如儲錢買姑婆屋，夠晒搞笑。由於二人拍檔形象「入晒血」，唔少網友都覺得二人好登對，仲有人留言話：「唔講以為你兩個派利是！」仲話留言有種「甜中帶酸」的感覺。大家都知道Tony與模特兒女朋友梁諾妍蜜運中，都祝福佢早日脫離單身，加入派利市行列。
+9
【大帥哥．專訪】洪永城搭上演技快車搏到盡：我年資淺但年紀唔細洪永城與索女長腿Model有新戀情？ 指女方優點講一兩個鐘都得【大帥哥】洪永城毛筆書寫千字文 歌頌張衛健傳奇事蹟【大帥哥】奸爆洪永城自爆拍攝期間曾大鬧看更 網民越討厭愈開心
【周五心意運動】您捐一封$50利是，已可為基層送上溫飽，01心意呼籲您支持【香港青年協會】 ，每$50即可製作5碗愛心湯和心意禮物：https://heart.hk01.com/zh/project/10095