廖子妤同林海峰爭做阿Jan　原來多年前已同軟硬合作？

廖子妤（Fish）獲邀出席時尚品牌活動，同場還有林海峰（Jan）。Fish笑言上月剛拍攝完的電影，電影中的角色剛好也是叫Jan，所以當有人在現場叫林海峰英文名時，她差點下意識忍不住搶住回應，她笑說：「好彩我當時無即時反應，諗咗諗唔係叫我，如果唔係就好尷尬。」

Fish又透露初來港當模特兒時，曾和Jan同場合作拍廣告，她回憶過去：「好多年前啱啱嚟香港時，有機會同軟硬拍賀年廣告，當時只係臨時演員，未諗過會有機會一齊出席活動，好開心可以再見到佢。」可見Fish幾年間進步之大。