廖子妤當深水埗街頭係時裝舞台：我喺呢度仲生活過！

廖子妤（Fish）與同公司的男模劉志偉早前為本地設計師擔任模特兒，到深水埗街頭拍攝一系列宣傳相，宣傳即將在街頭舉行的Fashion Show。Fish表示：「佢哋設計嘅服裝好靚，本地設計師嘅作品，我好榮幸可以演繹佢哋嘅作品，而且喺香港特式地方取景，呢度保留咗好多舊式建築，加上有好多老店，好有香港嘅感覺。」

對於今次主辦方將熟悉的香港街道幻化成超現實時裝舞台，Fish感覺相當特別，她直言對深水埗有很大情意結，她表示︰「我對呢個地方並唔陌生，頭幾部電影作品都係喺度取景，而且自己初初來港發展嗰陣，我喺呢度生活過，今次重遊舊地拍攝，有好多回憶。」

拍攝當日Fish穿上三套不同的服裝，穿梭深水埗鴨寮街的檔口，吸引不少途人圍觀，Fish表示︰「雖然睇到途人圍觀，起初都會有啲緊張，但我做咗模特兒和演員一段時間，已習慣喺眾人面前拍攝嘅感覺，只要一埋位就可以投入。」

至於離開香港5年往內地工作的劉志偉，則指今次返港拍攝感覺很新鮮，在蛇店拍攝更是最為非常難忘︰「我唔係第一次食蛇羹，不過同蛇拍攝都係第一次，開頭真係有啲驚，不過啲蛇好乖，好乖咁完成拍攝。」