【萬千星輝】最大對手係大小姐？　林秀怡唔諗拎女配：有提名好好

《萬千星輝頒獎典禮2018》於今日（16/12）舉行，除了視帝、視后、「最受歡迎電視男角色」和「最受歡迎電視女角色」外，「最佳男配角」和「最佳男配角」都備受關注。「最佳女配角」方面，備受網民力捧、在《愛．回家之開心速遞》中飾演大小姐龍力蓮的林淑敏獲睇高一線，而她的最大對手都應該是《BB來了》盧宛茵和《是咁的，法官閣下》林秀怡。

其實都有好多網友好支持林秀怡，指她在《是咁的，法官閣下》中表現自然，而她之前在Facebook專頁「方以文 睇電視喇喂」中亦獲得「飛躍進步女藝員」，或能令她增添拎獎相信心。她接受《香港01》訪問時說：「拎咗方以文畀嘅女飛躍已經好開心，好多謝好多網民支持我，都真係多謝大家睇到我嘅努力，有冇信心大增？冇大增嘅，但係都有信心，女配角有提名已經好好喇，我應該唔係大熱嚟。我自己就投選大小姐嘅，我都想佢拎，佢拎真係實至名歸，所以我相信每個人都覺得最大嘅對手係大小姐，佢真係好值得拎呢個獎。」