羅天宇撐徐榮做「最佳男配角」：投畀大機率啲嘅人！
撰文：趙允琳
出版：更新：
羅天宇昨晚（13日）出席在TVB電視城舉行的盆菜宴，《萬千星輝頒獎典禮》中有六個獎項都是由TVB所有台前幕後的藝員和職員在盆菜宴上投票選出的，羅天宇表示會把握機會在台上好好感謝每一位給予過他機會的人，但有份競逐「最佳男配角」的他卻坦言，對自己奪獎沒信心：「盡量唔好嘥咗自己嗰票啦，投畀啲大機率啲嘅人啦！可能投畀徐榮，《BB來了》之前都好受歡迎。」
最近天氣越來越凍，家中有兩隻貓的天宇「投訴」日日都被牠們「痴到實一實」：「我啲貓仔日日都痴住我，平時都唔痴，夏天仲會走到遠一遠叫佢過嚟都唔過嚟，依家冬天喇兩隻都痴住我瞓，啲毛入晒我個口度，一瞓醒成口都係毛！」
天宇表示最近正在拍兩套電視劇，所以預計聖誕節要在工作中渡過，但他還是希望能在自己最喜愛的節日抽空與家人出街看燈飾和食豐富的晚餐。日前在媽媽生日時親手做了生日蛋糕，聖誕會否再次大顯身手整聖誕大餐？「可能叫細佬煮啦，我唔係好識煮嘢食！佢廚藝都ok㗎，識煮吓意粉、漢堡包，nachos（墨西哥粟米片）就一定難佢唔倒啦！」