馬德鐘大熱成為「民選視帝」：可以再下一城當然更加好
撰文：趙允琳
出版：更新：
馬德鐘（Joe）周二（13日）出席TVB盆菜宴，入行多年的他表示自己是第一次參加，覺得很新奇，就像嘉年華一樣開心。由於《萬千星輝頒獎典禮》有六個獎項都是TVB全台員工投票選出來的，所以今日的盆菜宴也是幫自己最後的拉票機會：「我唔係好識拉票，希望大家支持《跳躍生命線》！」
日前在網上舉行的一個民選電視大獎中以大熱姿態成為網民眼中的「民選最佳男主角」，阿Joe感謝網民支持：「攞到呢個獎已經好開心！如果可以再下一城當然更加好啦，但係如果唔得嘅都唔會覺得好遺憾。（但有無已經準備好得獎感言？）以前就反而有諗過，但係到今時今日又無乜特別，不過如果有機會攞到獎，會係一個好好嘅過程可以喺台上多謝咁多年一直幫過自己嘅人。」