美女學徒鍾晴IG大騷四嚿腹肌：想睇下自己可以去到幾盡！

成日都話「減肥係女人嘅終身事業」，為了保持最Fit身形，女士們願意再多汗水都無怨言，身為女藝人就更要加倍努力！有「翻版薛凱琪」之稱的鍾晴（Karlie），自去年加入TVB之後，參加過數個節目，最近期的就是《美女廚房》中的美女學徒，因為樣貌甜美而令觀眾留意。最近Karlie就在IG post了一段做Gym的影片，當中最吸睛的就是四嚿腹肌！

Karlie前年報名參選 ViuTV 選美節目《美選D.n.A》，但當時的她還有點Baby Fat，身形未算出眾，但近年她密密操Fit，不止越來越瘦，還操出四塊腹肌，可想而知Karlie背後付出了多少努力！Karlie接受《香港01》訪問時表示：「最緊要堅持，唔可以放棄。我每一晚都會做腹肌訓練，有時我都覺得好攰，同埋有時食飽咗冇咗腹肌會有啲唔開心，之後就會再努力啲加重量，越做越鍾意。」

其實Karlie一向都有做運動的習慣，最常做的就是健身和瑜伽，雖然她現在腹部線條很明顯，但Karlie就坦言因為自己為食，難以抵擋美食誘惑，所以為了Keep住線條都要付出不少：「宜家有四舊腹肌，有時夜晚暴食，第二日就會冇咁明顯，但操一操就會出返嚟，肌肉唔會消失。因為我好鍾意食甜品，又冇點戒口，加上一個禮拜有兩三日都出去食飯，所以盡量勤力D，因為冬天真係好難減。」

雖然Karlie試過因為太辛苦想過放棄，但最後她都堅持下來：「我成日去做運動，做下做下瘦咗落嚟，跟住就會不斷追求嗰個感覺，個人就會健康咗，食嘢都會好注重。嚟緊聖誕，聖誕真係好難減肥，我想喺聖誕之前Fit啲，咁冬天咪有quota可以食嘢囉。」

Karlie透露現在體重48KG，但她就希望可以再減多2KG：「努力減下身，因為自己下身偏肥，都好羡慕其他女仔手腳纖幼，希望自己做得到。」剛剛去完日本拍攝旅遊節目《3日2夜》的Karlie，亦不抗拒性感演出，而她保持運動的動力，也是為了讓自己變得更好：「都係為咗自己，睇下自己可以幾捱得，想睇下自己可以去到幾盡，唔想錯失任何機會，所以要隨時ready。」這份堅持和毅力，絕對不是人人都有！