【美女廚房】伍樂怡努力訓練迎接新挑戰 邱晴公開擇偶條件

無綫第三輯的《美女廚房》經已圓滿結束，三位主持包括蕭正楠、林盛斌以及張振朗，齊齊與一班美女學徒飯聚欣賞最後一集節目的播映，有份擔任美女學徒的伍樂怡 (Kelly) 和邱晴 (Mandy) 都有出席。對於節目播映完畢，Mandy表示好唔捨得，但Kelly就沒有這種感覺，她說：「無話捨唔捨得，因為嚟緊會有其他嘅挑戰。」她們又大讚三主持好專業，令她們學習到不少。

提到Kelly早前於IG post了做gym受訓的短片話自己正接受為期一個月的訓練，對此Kelly說：「想準備定，keep好個身型，咁將來有咩挑戰我都可以應付得到，想自已繼續進步。(想試下做打女？) 我體能上係ok嘅，有打開boxing。」另外，講到Mandy新加入《愛·回家之開心速遞》中並與傻強發展成一對，在現實生活中的她又可會接受像傻強咁窮的男仔呢？Mandy說：「如果真心鍾意，我係唔會介意嘅。（你有咩擇偶條件？）一定要專一，唔好斤斤計較，要孝順同埋對我好。」