【兄弟】伍允龍NG對白全場爆笑　「互相通識」即係點解？

劇集《兄弟》中有不少打鬥畫面及懸疑劇情，飾演拳手的伍允龍（Philip）將大量動作場面帶到觀眾面前，有速度有勁度，難怪劇集播出後人氣急升，觀眾更從他身上發掘更多話題。TVB的Facebook宣傳頻道近日將《兄弟》中的NG位剪接成片段作宣傳，身為「竹昇仔」的他NG對白勁爆笑！

雖然楊明、王浩信以及「陰謀情人」鄭子誠都不慎「爆肚」，但Philip竟佔了片段中絕大部分，可說是《兄弟》中的NG王。而Philip與朱晨麗在車上的一段對戲中將對白「斬件上」，若果將Philip口中整段對白組合，便會成為「只係想搵辦法埋應金培身搵證罪，有咩移動就記住互相通識」，相信會是最難的閱讀理解題，拍檔朱晨麗亦「冇面畀」笑到流淚，大家不妨睇片諗諗Philip講緊乜。

到底這段對白是否考起了這位「竹昇仔」？Philip接受《香港01》訪問直認有難度：「因為這場戲是飛紙仔，臨時才收到劇本，會比較有挑戰啲，係靠現場朱朱同工作人員讀對白我聽，見到佢哋笑得咁開心，證明佢哋都唔太介意教我。」Philip指日常拍攝時收到劇本便會開始準備，最常請身邊家人朋友讀劇本，遇到新字便一個個寫下拼音。辛苦多年，最近發現「讀稿神器」教他讀對白：「最常麻煩媽咪，不過我最近發現一個軟件，可以畀圖佢就會跟住讀，希望會再有進步啦！」