【兄弟】劉穎鏇搵菲律賓拳王特訓6個月　學葉問上演以一敵十

無綫小花劉穎鏇（Tiffany）為首部劇集作品《兄弟》操Fit演女拳擊教練，除了外型搶眼、演技尚算自然外，而動作戲亦難不倒她，早前與女拳王李松蔓一役Tiffany慘被打到變「豬頭」，畫面充滿感染力，一班劇迷都戥她心痛，以首次拍劇來說絕對是超額完成，觀眾都對她的演技予以肯定。

而昨晚（5/12）Tiffany再有一場長達三分鐘左右的打鬥戲，劇情講到她與「鐵男」伍允龍到菲律賓受訓，期間遭到大群惡漢追殺，Tiffany主動迎擊以一敵多，表現出女拳手韌力。而她的動作演出亦「有姿勢有實際」，拳拳到肉充滿勁度外亦如拳手一樣靈活，見到她慘被刀割傷，更被壯漢猛踢下腹，更要吊掛在橋邊，七情上面交足戲，絕對是除伍允龍外劇中另一位「動作擔當」。

點擊下圖睇睇劉穎鏇有幾好身手：

Tiffany在社交網站發文感激這次「打十個」的機會，更點名感謝伍允龍為她設計這個動作場面，她表示：「伍允龍特別設計一場很Street Style的打戲，集中在手部動作，因為我係第一次拍打戲，叫做完成到佢要求，我一直覺得女演員能夠演打戲係好完美，好多謝佢幫我完成呢個夢想，第一次反應可以咁好。」Tiffany首次拍劇除了打戲更有吊威也，問到可有受傷？她說：「我比較擔心會打傷人，好彩都係少少疼傷，冇大意外。」

Tiffany早前更接受《香港01》專訪，透露曾向菲律賓拳王學打拳六個月：「其實當時是為擂台戲學習，但我相信對街戰都係有成果，因為呢場打戲都好考體能，而佢真係當我係訓練生，初時係對打15分鐘已力歇，後來到45分鐘、一個鐘然後要再接跑步先達成拳王嘅要求，即使我做過籃球隊訓練都冇得比，以前我已經好怕跑步，到拳王訓練是另一個層次。」