首次合作拍劇「撻着」陳瀅　陳家樂：讀者太具創作力

早前陳家樂與陳瀅被拍下二人「撐枱腳」食飯，更被拍下家樂餵陳瀅吃三文魚，雖然陳瀅就沒有吃下，但二人「撐枱腳」被拍下後立即被標籤成為緋聞情侶。

今天（4日）家樂出席電影《死因無可疑》的開鏡儀式，在接受《香港01》訪問時，他回答這件事情：「我諗影嗰位讀者太具創作力，因為我最近同佢拍緊劇《廉政行動2019》，只係我哋早咗收工係附近食飯，同埋有時候都會同其他演員一起食飯，咁啱個日係同佢兩個人。」

但說到二人首次拍劇便「撻着」，家樂立場否認：「我哋劇好拍擋，真實都做緊好兄弟，（餵食三文魚？）其實係角度問題，你睇條片其實真係唔似我餵佢食囉，所以我就係話極具創作力，我覺得幾好笑。」

自從陳家樂因拍攝電視劇《逆緣》人氣急升後，他的戀情備受關注，早前洪卓立與湯怡分手也傳是他的介入，到了這次傳出與陳瀅「撻着」，家樂傷心地說：「我就快冇晒朋友，我啲朋友今朝訊息我，話每次同陳家樂食飯都瀨野。」家樂指現在單身，也不會追求對方，雙方只是好朋友。