蘇韻姿和周嘉洛出席《歡樂滿東華》記者會，平時在《愛．回家之開心速遞》裏日見夜見，連做慈善都一條心，果然是「一家人」。蘇韻姿表示曾私下與一眾《愛．回家之開心速遞》的年輕成員相約做義工：「大家真係熱血青年人應該做多啲為社會有貢獻嘅嘢！」但無奈大家實在太忙到現在還未能實行，周嘉洛更指出另一個困難：「唔知有咩途徑可以直接搵到啲活動去參與，不過佢都好有呢個心！」

周嘉洛笑稱自己對做義工沒有蘇韻姿那麼有研究：「我個人其實無咩善心㗎，所以就無參與！」蘇韻姿搖頭：「唔係啊，但係我哋喺《愛．回家》咁耐大家都好有愛丫嘛！但你係咪應該要向呢個目標去進發啊？」他笑著承認：「我係應該向蘇韻姿學習嘅！」周嘉洛，雖然大學沒有人好好教你，但好在你的家人還未放棄你啊！

蘇韻姿認為《愛．回家之開心速遞》有這麼多年輕觀眾收看，應該好好利用這套劇的力量作出正面的影響。（梁碧玲攝）

《愛．回家之開心速遞》在下月《萬千星輝頒獎典禮》入圍多個獎項，蘇韻姿最希望能奪「最佳劇集」：「希望我哋可以成team人獲得呢個肯定，我哋真係好勤力好畀心機去做！」周嘉洛亦落足力全力拉票：「睇我哋嘅收視就知我哋叻叻豬啦！咁所以「最佳劇集」，投我哋一票啦！我哋係1號《愛．回家之開心速遞》！」

周嘉洛雖然沒有太多做義工的經驗，不過他亦承諾以後會好好向大家學習，做個有善心的人！（梁碧玲攝）

【歡樂滿東華】楊盼盼傷後復工　大讚四位港姐徒弟好忍得痛【歡樂滿東華】被楊盼盼指「最貪靚」　陳曉華：我練習無化妝！

【歡樂滿東華】周嘉洛自認沒善心：我係應該向蘇韻姿學習！