【歡樂滿東華】楊盼盼傷後復工　大讚四位港姐徒弟好忍得痛

楊盼盼（盼盼姐）今日（26日）出席《歡樂滿東華》記者會，並表示她近日新招收的四位美女港姐徒弟將會在下月八日舉行當天表演高難度的「繩上操」。盼盼姐化身「嚴厲導師」在這個月來馬不停蹄地親身指導這四位徒弟，包括港姐陳曉華、鄧卓殷、李芷晴及陳宛澄做一系列的高難度動作。

她大讚四位港姐即使學習過程艱辛，學習仍非常用心，最重要是「忍得」：「畏高要克服啦、要忍耐痛楚、要承受瘀傷同骨骼撕裂，佢哋都好勇敢！佢哋都有啲係畏高，差啲都會嘔，但都一直堅持到最後。」盼盼姐表示今次不需要親自出馬表演：「我又有要求表演㗎，但我想難度再高啲，哈哈！我想挑戰一下自己！」

早前在馬來西亞拍攝電影時不幸燒傷，盼盼姐稱自己已經完全康復：「OK啊好返晒！自己要堅強，其實自己最了解自己，唔係話要等人嚟醫，應該要自己知道要點配合所有幫助你嘅人。（還需要覆診或做物理治療嗎？）唔使啦！因為係皮外傷啫，無骨折無盛應該都無問題。」