劉浩龍宣傳《阿龍理髮》扮暴走族　無厘頭挑戰風筒吹甩飛機頭

劉浩龍（師兄）的新歌MV《阿龍理髮》上月在Youtube就正式開播，反應都尚算不俗。繼上次做理髮師傅一邊唱歌一邊替素人理髮之外，今次又有新挑戰。這次師兄需要戴上日本暴走族的假髮，挑戰4個「狂風VS假髮」的考驗，測試要多大風力才吹走假髮，無厘頭之餘其實亦十足惹笑。雖知道日本暴走族其中一個特徵就是飛機頭配上有誇張配件的電單車，不過可能礙於製作資金有限，師兄的暴走族電單車變成了2個鏕的人力單車，十分搞笑。師兄笑言：「唔好以為好易呀，我都唔敢踩太快，因為架單車無剎車Brake。」

師兄劉浩龍在分別完成4個狂風挑戰之後說：「今次做暴走族都幾好玩，大家一邊拍一邊笑，係吹到有少少眼乾。」雖然這次挑戰顯得有些無厘頭，但他自言好滿意成果，更說：「最開心是𠱁到大家笑 ，好似歌詞所講一樣，為大家帶來『Natural High』。 」