江嘉敏男友靠一樣嘢嬴得女神歸　公開戀情曬幸福連IG頭像都變合照

江嘉敏近期憑著《3日2夜》以及《兄弟》而再次受到觀眾關注，對比起她在無綫電視第一套劇集《親親我好媽》明顯地成熟了不少,單身已久的她，近期亦高調承認脫離單身。在近日一篇訪問中，更盛讚男朋友「很孝順、專一又鍾意我」、「為人老實，不太懂花言巧語，而且很喜歡幫助朋友」。同時也透露在她生日時，男朋友又親手做了她最愛的焦糖朱古力生日蛋糕與她慶祝。不止如此，就連江嘉敏拍劇捱夜，男朋友又會買湯包給她，生暗瘡又會買藥膏給她。甜蜜程度就有如蜜芽糖一般又甜又纏綿。

江嘉敏身為「宅男女神」，照道理身邊應該非常多「狂風浪蝶」，到底她的男朋友Anthony是如何擊敗眾多追求者奪得美人歸呢？江嘉敏接受傳媒訪問時說：「今年一班朋友一齊拜年食飯，佢哋喺度打麻將，我唔識就坐埋一邊，之後佢（男朋友Anthony）就叫我坐喺佢隔籬學吓。他好有耐性解釋俾我聽，我係咁問，嗰日我一坐喺佢身邊，佢就不停吃嚦咕嚦咕，我都幾旺佢㗎。」

女神封盤！江嘉敏認戀30歲電競公司高層：係發展緊嘅​

【3日2夜】教劉穎鏇摸柱要「塞入個窿」 江嘉敏追問「濕」係點解

【3日2夜】劉穎鏇江嘉敏有艷遇 土耳其Shopping講價遭「索吻」

不過江嘉敏就笑言，相識初時Anthony竟然「有眼不識泰山」，不認得她就是電視劇集中的「江嘉敏」。直到公開戀情前，江嘉敏還說預先提醒了男朋友要有被「起底」的心理準備。江嘉敏表示，現時與Anthony之間的感情越來越好，自己演的劇集男朋友也有追看。「佢睇完會給意見我，所以大家見面時都有很多話題。佢係一個鍾意討論學術性嘅人，呢一方面我好欣賞。佢仲係我嘅人生老師，相處起嚟真係好舒服，又唔會浪費我一分一秒，每一刻都在令我進步。」江嘉敏更提到，有一次兩人的對話，男朋友Anthony的回答讓她十分感動。「我有問佢：『會唔會介意有個粗心大意嘅女朋友？』佢竟然同我講：『就等我好好照顧你！』聽完之後我真的很感動。」