【過街英雄】江嘉敏首演拜金港女　睇《野蠻女友》跟全智賢學反眼

江嘉敏周四（20/9）現身電視城，出席無綫新劇《過街英雄》拜神儀式。

嘉敏在戲中飾演森美妹妹，與周志康有感情線。「同森美做戲好開心，佢會喺拍嘅時候，唔跟稿讀，會自己加對白，加啲動作，成件事拍出嚟好好笑，我做佢阿妹，喺一名好拜金嘅港女，咁好自然會有個阿哥都喺港男啦，我哋成家人有個稱號叫『賤格家族』，做啲嘢衰衰格格，不過我哋成家人都好團結。」

劇集《過》已經開拍了成個月，嘉敏透露演「拜金女」一角，事前不停要煲韓電影《我的野蠻女友》學演戲。「點解睇呢套戲，喺因爲要學女主角（全智賢）咁野蠻，偷師學佢啲神態，我試過有場戲講我發現咗周志康整蠱我，我好自然出做反白眼，仲要講咗過『妖』字，導演即刻停機，問我頭先喺咪講咗句粗口，事後再睇返條片，喺咬字唔正啫，導演仲話我個表情好貼地，成個『拜金女』咁嘅樣，夠乞人憎。」