林師傑歐陽巧瑩潮帶狗狗拍婚照 影「全家福」必睇5大要點
撰文：冼燕珊
出版：更新：
林師傑與未婚妻歐陽巧瑩 (Tammy) 將於今個月22日拉埋天窗，原本忙到癲的二人不打算拍婚照，但身邊很多人都勸他們結婚前影返輯pre-wedding，留下美好回憶，所以他們在婚前一個月不到的時間才「拿拿淋」去影，還帶上「毛孩」Tado一齊影，雖然匆忙，但都好溫馨。
Tammy 和師傑影了三輯婚紗相，一輯是活潑野餐主題，一輯是正經的韓風，第三輯是室內歐美風的輕婚紗主題，其中兩輯還帶上二人一起飼養4年的狗仔Tado，其實帶著寵物影婚紗相不輕鬆，有些婚攝公司甚至拒絕提供相關的服務，不過Tammy和師傑視Tado如家人，影婚紗相點可以唔預牠呢？
「有Tado 一齊影開心好多！」Tammy 說有Tado一起拍與沒有牠在的婚照，感覺相差很遠，「有佢唔知點解開心好多，成個場嘅人都好歡樂，又有家嘅感覺。」Tammy更說攝影師大讚Tado好乖，識得望鏡頭，又不會走來走去。她說Tado好有性，會識得氹她和師傑，「我哋有時好攰，佢會坐係我地腳邊 挨住我哋隻腳，去廁所佢又會陪住。」
帶寵物有哪些注意事項？詳情點撃下圖：
點圖看更多Tado 靚仔相：
+2
距離婚禮只有一個星期，Tammy 婚前心情難以形容，「大概婚前兩三個月嗰陣因爲好多嘢需要決定同處理，所以每日都好忙，每日都有好多電話、訊息要覆，仲要返工，身心疲勞，9秒9就可以入睡；到所有搞掂哂，進入大直路嗰陣，係距離婚禮大概一個月左右，心情真係好放鬆，可以坐低睇電視，出街拍吓拖，而唔係傾嘢同商量；點知淨返十日嗰陣，我地就開始有啲緊張，緊張係因為即將身份有變，即將多咗好多責任，開心同時又好緊張，覺得期待同刺激。」
點擊圖片，看更多Tammy 和師傑的婚紗相：
+4
林師傑歐陽巧瑩婚前勁忙 仍抽空親手整曲奇贈同事親朋【多圖】歐陽巧瑩林師傑影婚照 曬性感露背pre-wedding靚相【特技人】林師傑愛車定歐陽巧瑩多啲？ 答案竟然係......歐陽巧瑩賣比堅尼 林師傑唔怕被睇蝕：趁有本錢就要博！