【跳躍生命線】馬德鐘視麥Sir角色為近年代表作：我自己都睇到喊

無綫劇《跳躍生命線》即將大結局，於該劇飾演男主角麥Sir的馬德鐘，特地請劇中一班演員飯聚，飾演他女朋友阿Man的張曦雯當然都有出席啦。兩人都對劇集快將完結感到好唔捨得。對於該劇大受歡迎，馬德鐘說：「好貼近大家嘅生活，我自己睇劇本時已經覺得寫得好好，播出時都有睇返，有睇到喊。」他又謂這套劇算是他近年的代表作，自己亦很喜歡劇中的角色：「已經好深入民心，依家我出街終於無人叫我做展Sir，而係叫我在哥。」

而比較少拍劇的張曦雯，亦覺得這套劇暫時算是她的代表作，劇中的角色也是她演過最鍾意的角色，夜晚還會和媽咪一起追劇，一齊睇到喊。她說：「阿Man呢個女仔係我嘅偶像，我永遠都會記得佢。」馬德鐘和張曦雯都好希望該劇可以開拍續集，認為好有潛質，可以給演員有好多發揮。