【跳躍生命線．專訪】馬德鐘接拍TVB劇有原因　四個元素變神劇

作為《跳躍生命線》的男主角，馬德鐘對上一部TVB劇集已是2015年的《以和為貴》，近年一直在內地發展演藝事業，事隔三年再重返TVB，他對TVB的電視劇的製作究竟是變得陌生，還是依然親切？對香港娛樂圈又有什麼不同睇法？馬神想了一想，說道：「新嘅演員多咗好多，但我又唔覺好大轉變嘅，走咗3年啫，之前我喺TVB廿幾三十年。但係娛樂市場真係唔同咗，同九、八十年代差好遠，平台多咗好多，大家有好多唔同嘅娛樂，多咗好多選擇。以前TVB郁啲就30幾點收視，而家大家都明白整體環境唔同，唔可以用返以前嗰套去睇依家㗎喇。」的確，TVB收視低迷，當然有個主因是劇集質素問題，但今時今日百花齊放的娛樂世界下，還有多少人願意只看TVB的劇集？想當年，TVB是香港電視業的龍頭，現在也是，但它已經不再只面對本地競爭，最大的競爭對手是外來人。馬神續說：「當然觀眾要求都愈來愈高，社會發達，網絡發達，以前睇電視就話要靠電視台引進日劇、美劇，依家全世界乜劇都可以上網睇到，梗係要進步。」觀眾在進步，TVB是否真的願意再花心思行前多幾步？不知道。

2012年，馬神與TVB合約正式完結，他沒有選擇繼續簽長約，而是毅然北上發展，與TVB則繼續以部頭約形式合作。在內地的第一部劇集叫做《西施秘史》，擔任第二男主角「越王勾踐」，自此在內地愈行愈順，6年間拍了20部劇集，不計客串角色，大多都是男一男二，開始在北方打響名堂。「大陸真係行得好快，行得好好，唔止電視，網絡世界，甚至打開外國市場，因為佢哋有好多資源可以做到啲大型嘅嘢，因為自己嘅市場已經可以消化到，就可以去打外面嘅市場，希望可以打到輝煌成績。」馬神身處旋渦之中，當然能夠完全感受到內地影視業發展的強大推力，每年都有多套巨作，有大量潛力新人湧現，在內地銀彈的攻勢下，所有事好像都得心應手。「唔一定用錢去衡量，因為錢未必買到歡迎度，有啲可能個故事講得好亦會好受歡迎，每個地方都有佢哋文化同長處。好似我接拍《跳躍生命線》，呢個係一個好香港嘅題材，好有本土味道，就算內地好多資金，喺內地都未必拍到。內地嘅長處就係古裝劇，就算外國都要靠內地去製作古裝電影。」雖然有內地發展多年，但有時能夠牽動人心的港劇，馬神還是義不容辭去支持。