【火速救兵】再演消防隊目　張松枝：秋生教落聽廣播劇改善發音

香港電台電視部和香港消防處聯合製作的《火速救兵IV》熱播全城，而其拍攝工作仍然繼續，最後一集更邀來張松枝加入，參與演出最後一個故事【兄弟】，張松枝飾演副消防總長，是全劇演員中飾演職級第二高的消防角色。他今日在外景探班期間表示：「今次喺《火速救兵IV》飾演副消防總長，其實已經係第二次演出同救火相關嘅角色啦，不過飾演呢個角色其實都一樣幾考功夫，你行出嚟嗰時要比人覺得你有說服力，壓得住個場，人地先會信服你。」

這次張松枝更與黃秋生搭檔出演，秋生哥飾演消防總長，二人站在一起氣勢煞是逼人！張松枝更表示：「同秋生哥合作學到好多嘢，單係聽佢平時講嘢已經有得著，例如佢推薦我地去YouTube聽《天空小說》改善發音，真係好有用！」《天空小說》1940年代首播的經典廣播劇，由著名播音員李我創作，特色在於他包辦廣播劇中所有角色，廣播劇沒有劇本，只有寥寥數十字大綱，由李我即席演繹，曾在麗的呼聲創下高收聽率。

張松枝現在也有於內地發展演藝事業，但他認為與在香港拍劇沒有太大分別：「嚟緊下個月都會有啲劇需要翻上去拍，但其實依家香港同內地嘅好多劇都要返大陸取景，工作環境上都冇太大變化。」

對於圈中前軰岳華離世，張松枝嘆道：「今朝收到岳華死訊，我都覺得好唔開心，佢係《巾幗梟雄之義海豪情》飾演我爹哋，當時就覺得佢係圈中一個好好嘅前輩同演員，得知以後佢再唔能夠再更多精彩嘅劇集俾大家睇，就覺得好可惜。」