【火速救兵】歐錦棠被炸飛後捉實欄杆　左手負傷仍堅持親身上陣

香港電台製作的劇集《火速救兵IV》在上星期六（13/10）播出第一集〈火伴（上）〉，好多觀眾睇完之後都大讚劇集無論在劇本安排、演員表現和場面調度上都比起好多電影高幾班，單單是最初10分鐘已經教人拍案叫絕，當中最令人印象深刻的必定是在黃大仙消防局內，長達3分32秒的一Take過長鏡頭，畫面由何華超為新加入的蔣祖曼介紹同事，到一班消防員接報氣體洩漏要出動救急扶危，整個過程極為流暢，絕對可以說是為香港電視製作創下新高度。

【火速救兵】第4輯首集極具追看性 3分半鐘長鏡頭勁過不少電影

點擊下圖感受這段長鏡頭的流暢度：

導演黃偉傑為這一幕付出了十足心血，曾在「第36屆香港電影金像獎」中憑《樹大招風》奪得最佳導演的他，接受《香港01》訪問時便坦言拍《火速救兵IV》運用了拍戲的手法和節奏，亦為這個長鏡頭事前做了不少準備工夫：「這個長鏡頭其實預咗半日時間同攝影師、劇組人員拍。我哋做「Stand In」（利用替身試位）時，已經綵排咗次，都諗咗好多方法去拍。」

好多觀眾都好想知如何做到攝影師跟住演員「瀡銅柱」效果，黃偉傑便指演員要「瀡銅柱」時，攝影師便將攝影機交給在銅柱上準備的消防員，消防員用雙腳夾實銅柱着地後便再交給等待他的另一位攝影師：「其實整段錄影涉及60幾人，包括真正嘅消防員、演員，當中有兩位消防員擔任攝影師，上午綵排下午開拍，總共拍咗17次，直至日落時先真係完成。總共用咗4個攝影師，另外有兩位消防員做攝影師，鏡頭前後交接咗6次先完成。」

點擊下圖觀看拍攝3分半鐘長鏡頭時的真實情況：

其實除了消防局長鏡頭一幕外，歐錦棠在公共屋邨被炸飛至大廈外命懸一線的一幕亦非常精彩，畫面上他單靠臂力抓實欄杆，而何華超則忍受住背後的熊熊烈火，拼命把戰友往上拉，好多觀眾都指這個場口拍得極度刺激。其實這一幕的的確確在13樓拍攝，即使有得「吊威吔」，對於演員來說仍然是非常危險，所以當初導演和製作單位都提議在1樓拍攝，之後再用後期特技「Key」上13樓，但歐錦棠拒絕這個安排，覺得這樣會令劇集失真，他接受《香港01》訪問時說：「當時我話不如照樣喺13樓外吊威吔，因為我喺吊威吔都有頗豐富嘅經驗，我有信心。」

提到歐錦棠拍攝時是用左手抓實欄杆，但他去年9月在音樂劇《馬丁路德》演出中途左手意外甩骹，他直言今年年初拍攝該幕時，左手傷患仍然在康復當中：「當時左手算係可以活動，但唔能夠百分百伸直，啲關節都係會痛，用唔到太多力。不過，我現場堪察過，如果用右手捉欄杆，就會拍得唔夠靚，大環境淨係會影到棟樓，用左手就會拍到城門河同遠處嘅獅子山，所以幾危險、幾辛苦都覺得要盡量做。」他又指最恐怖是背後氧氣樽的重量比想像重得多，令他「炸出街」時翻了一個預期外的筋斗，而劇集獲得好評亦使他以及其他台前幕後非常振奮：「其實個製作真係拿捏得好準，可以話係慢工出細貨，我年初拍，八月尾我都要配音，橫跨咗一段時間，真係個細節都做到最好先出街。」

點擊下圖逐張觀看歐錦棠被炸飛場面的場面和分鏡圖：