袁偉豪私人五大秘技預防婆媳旅行糾紛　要點其一：有茶畀佢哋飲

袁偉豪、張寶兒與袁媽媽昨日回港時被市民影到，原來早幾日一家到了日本旅遊。說到這裡，很多人也會奇怪袁偉豪、張寶兒兩個人去日本拍拖旅行，會帶埋媽媽這個「電燈膽」。正好今日袁偉豪回港後出席慈善保齡球賽活動，他接受《香港01》訪問時就表示，其實這次旅遊的主角並不是他與女朋友張寶兒，而是袁媽媽，並說旅行中一點也沒有「婆媳糾紛」的情況（兩人尚未結婚，嚴格上也不算婆媳）。「呢啲情況一啲都冇出現過嘅，但係為咗避免呢啲情況，其實喺事前都要溝通得好好。」訪問中，袁偉豪更大方分享他個人的「婆媳旅行注意事項」。

1. 婆媳旅行分清楚「主客」
「首先另一半要清楚明白個牌頭係開咩」袁偉豪表示，事前應先行向女友交代旅行的目的，讓女朋友清楚此行是陪伴媽咪放鬆。「講笑咁講，分上靶同下靶，皇太后就係上靶。」

2. 與長輩旅行應有充足準備
「最主要計劃個時間，去旅行其實都係同個時間計數嘅一件事。有陣時車程都會佔好大部份時間，所以基本上好似有Planning，其實都係冇乜Planning。因為去到嗰度可能突然間有突發嘢會令到你個時間改變，變相有好多嘢都要有Backup Plan，不過我哋喺呢一方面都做得幾好嘅。」事前準備工作之中，除了人員的安排之外，行程準備也是重要一環。當然，世事無完美，旅行總會有突發事發生。例如事先準備後備的旅遊景點，不能抵達預設目的地的話，也可馬上更換行程。

3. 規劃貼心又適合的行程
「最緊要有茶俾佢哋飲，即係行一陣睇完嘢，就要提議坐低食件餅、飲杯咖啡，佢哋就好開心。食完又可以再行，行一陣又去食杯雪糕，佢哋又會好開心。」袁偉豪所說的，其實即是照顧長輩所需。雖知道某些前輩大朋友體力不如後生仔充沛，可以一日行足十多小時，所以在行程中安排較多的休息時間肯定會令長輩感到窩心。再者，亦可增加長輩與「新抱」之間交流，從而促進感情。當然，如果長輩屬於熱愛運動一族，亦可另作安排。最緊要長輩開心嘛！

4. 使費全包
「最緊要話俾佢哋知，你一毫子都唔使使，交俾我得㗎啦。咁就去邊都開心啦。」與長輩出遊，費用全包亦是重要一環，除了可避免食飯AA制等煩惱，亦可讓長輩安心購物Shopping。做孝順仔女，幫阿媽阿爸畀錢是常識吧？袁偉豪：「今次去咗日本東京、富士山睇風景、浸下溫泉、表參道買衫。」

5. 管接管送，做埋「柴可夫司機」
長輩出遊如出巡，皇太后出巡又點可以冇私人座駕呢？所以作為後輩的應該駕車接載，行程、景點才可以為長輩度身訂做。袁偉豪：「因為我處理唔到咁多嘢，例如我要揸車去目的地嘅時候，GPS導航都會睇唔切，咁有佢喺我隔離就可以做個副駕幫手睇地圖，真係幫到好多㗎。」就如袁偉豪所說，多一個人就多一分力，女朋友幫忙做副駕之餘，順便也是在「皇太后」心中留下好印象加分的時機。

【3日2夜】嚴選十大最應該做主持女藝人 第一竟然不是TVB女藝人

【多圖】TVB十大現役男藝人Instagram排行榜 袁偉豪力壓兩視帝