【救妻同學會】劉佩玥演老婆 胡鴻鈞：要求導演唔好有親熱戲！
撰文：吳子生
出版：更新：
由胡鴻鈞（Hubert）、劉佩玥主演劇集《救妻同學會》今日（12/10）在彩虹遊樂場公園進行指攝工作，特別安排傳媒到場探班，為新劇宣傳造勢。劇中Hubert與劉佩玥飾演夫妻關係，因得罪黑白兩道，被人追殺展開逃亡，同時老婆又被人綁架，又要諗計拯救太太。
Hubert表示：「雖然我同劉佩玥係飾演兩公婆，但戲裡面好在佢俾人綁架咗，可以唔使有親熱戲，哈哈，其實我有同導演要求，最好唔好有親熱戲，其後我哋真係有同導演研究個劇情，究竟需唔需要呢，因為始終我哋係青春劇，所以就唔需要有太大嘅親熱場口，只係拖吓手，用吓眼神就已經足夠。」
Hubert音樂會將於12月9日香港灣仔會議展覽中心舉行，到時會有神秘嘉賓撐場。「依家又要拍劇又要籌備音樂會，其實都好忙，練歌時間都好唔定時，為有在揸車嘅時候，又或者係沖涼嘅時候練吓歌，真係冇特定時間，一得閒就練。」