【嫁到這世界邊端2】港女追星搭的士遇真愛 Joan：你哋都得嘅！
陳貝兒主持的TVB真人騷《嫁到這世界邊端2》頭兩集講到患有急性腎衰竭的港女秋仔和韓國Oppa暢勇之間至死不渝的愛，令觀眾都直呼感人。而節目第二位登場的依然是韓國人妻Joan，但Joan與的士大叔Tom之間的緣份，睇完都想講句「世界之大無奇不有」，而且正能量十足！
Joan當年迷上韓劇《來自星星的你》的男主角金秀賢，更追星追到去韓國。偶然一次截的士返酒店途中，Joan揮一揮手就遇到真命天子！雖然節目中，Joan與Tom雙方都不承認做過主動，但愛情種子已經在他們之間萌芽。雖然唔少朋友都擔心Joan俾人呃，朋友Karen更講到：「好擔心佢俾人呃，但佢真係好搏，又咁啱俾佢搏到。」連Joan媽咪得知單身多年的女兒有拖拍後都深表驚訝，但其實當時的士大叔Tom不單止有車、有樓而且有肌肉，是筍盤無誤。
韓妹給人印象皮膚白滑又靚女，但為何的士大叔Tom偏愛港女呢？原來的士大叔Tom覺得很多韓國女生比較貪玩，而且部分還會食煙飲酒，當中他最不喜歡就是她們整容。相反，Joan乖巧的性格，加上純天然的外表就成功得到的士大叔Tom的歡心。的士大叔Tom更為了給Joan住過千呎大屋，不惜打兩份工努力賺錢。老公那麼愛鍚自己，難怪Joan會話：「嫁嚟韓國，放棄香港。遇到一個男人肯承擔、肯照顧家庭同保護自己，好值得！」這對韓國夫妻不時都會互相鬥嘴，但私下約定「一嗌完交就要拖番隻手」，相當有愛，這一點亦是他們恩愛多年的原因。
韓國人妻Joan外表平凡，連老公Tom亦講過「她face no good，body no good，但心地好好。」Joan樂觀的性格相當得人歡心，Joan接受《香港01》訪問時更笑言聽到不會生老公氣，她笑稱：「嬲乜鬼，事實嚟！」問到可否分享識男仔的秘訣，Joan表示：「其實唔好一開始就話唔得唔好，人生有無限可能。大家睇完我嘅個案，都會諗，佢都得啦，咁我哋都得嘅！我想俾到大家希望。」