【嫁到這世界邊端2】Oppa懶理港女患重病　上演「藍色生死戀」

陳貝兒主持的TVB真人騷《嫁到這世界邊端2》昨晚首播，今次攝製隊再次踏上旅途，尋覓世界更加邊端遍遠的地方與國度，將一眾香港勇敢人妻的愛情故事，帶回來給香港的觀眾。

首集登場的是韓國新抱秋仔與Oppa暢勇至死不渝的愛情，賺人熱淚。秋仔讀完書便加入電視台成為導演，七年前她發現自己患有急性腎衰竭，試過一年入三次ICU，命危一線。治療期間，秋仔因無聊上討論韓國嘅討論區認識了慬得說普通話的Oppa暢勇。Oppa暢勇更主動來港與秋仔見面，秋仔亦出院帶佢暢遊香港。回韓後，Oppa暢勇便問秋仔可否做她的女朋友。此時，秋仔亦向對方坦白病情，叫他考慮清楚。

【嫁到這世界邊端2】首輯好評如潮即添食 四大必睇理由話你知！

Oppa暢勇失蹤數天後，更再次現身稱自己查過資料，能夠接受。此時，陳貝兒問：「會唔會怕有一日會離開，傷到佢而唔開始？」秋仔回答：「他太好了，如果早啲識到佢就好！」，睇到大家都眼濕濕。

Oppa暢勇被秋仔堅強無懼性格打動，更主動提出接阿秋去韓國醫病！但秋仔怕拖累對方，無答應Oppa暢勇的求婚，但就積極醫病。經歷一場大手術後，秋仔最終走過鬼門關並應承了Oppa暢勇的求婚。但此時，他們又遇到一個大難題，就是Oppa暢勇的父母反對他們的婚事，怕秋仔身體不好，生不了BB。幾經說服下，Oppa暢勇的父母最終答應婚事並十分喜歡活潑可愛的秋仔。Oppa暢勇更對秋仔說：「我們已經約定了到一百歲！」媽呀，紙巾呀！陳貝兒亦在節目中坦言他們的故事令她再次相信愛情。唔少網民雖然都略厭陳貝兒喊得有點兒多，但都有好多網民睇完都大讚故事好感動，留言：「好睇好感動！特別見到女主角老爺奶奶喊個（嗰）幕。」、「好感動，一邊看一邊流淚，那男仔真的可以不顧一切去愛她，做到無論生病或任何困難也站在她身邊，這一個承諾已經是永恆。」